Asteburu honetan, Hernaniko, Bordeleko eta Iruñeko 30 gazte elkartuko dira Hernanin. Gazteak, migrazioa eta zinea topaketa eramango dute aurrera, Amher-SOS Arrazakeriak, Itaka
Eskolapiosek eta SOS Arrazakeria Girondek koordinatuta.
Proiektu honen helburuetako bat da gazte migratuen eta bertakoen arteko elkar ezagutza eta bizikidetza sustatzea; «hainbat tresnaren bidez, eta zinema da protagonista», azaldu dute antolatzaileek.
Gaur goizean, Le brio pelikula proiektatuko dute, Oronan, goizeko 09:30etan hasita; eta bihar, berriz, O los tres o ninguno pelikula ikusteko aukera egongo da. Arratsaldetan, Albaola Museora eta Pasai Donibanera bisitak egingo dituzte. Herriko osasun egoera kontutan hartuz, azaldu dute segurtasun neurri zorrotzagoak hartuko direla.