Chillida Lekun 16 eta 23 urte bitarteko gazteekin, Basoan arte diziplina ezberdinetan «arakatu eta esperimentatzeko» lantegia jarri zuten martxan udaberrian.
Hilero, ostegun arratsaldetan biltzen dira, arratsaldeko 17:00 eta 19:00ak bitartean, hain justu. Hori kontutan izanik, Nagore Legarretak irailerako laborategiarekin jarraitu nahi du; «arte ezberdinen inguruan elkarrekin esperimentatzea, arnasa hartzea eta partekatzea helburu izanik» azaldu du.
Izena emateko aukera irailean irekiko da, eta informazio gehiago nahi izanez gero, idatzi education@museochillidaleku.com helbide elektronikora.