Gaur goizeko 11:00etan hasiko dira San Joan jaietako azken ekintzak, eta lehena, oztopo lasterketa izango da. Aipatu moduan, goizeko 11:00etan emango zaio hasiera lasterketari Landaren, eta atletismo pistan amaituko da.
Eguerdiko 12:00etan musikaz gozatzeko aukera ere emango zaie herritarrei Osiñaga auzoan antolatu den emanaldian. Bertan Hernaniko Musika eskolako gazte talde batek eskainiko du emanaldia. Erromeria eta jaietako musika alaia eta ederraz girotuko dute Osiñaga auzoa. Ondoren bazkari eder baten bueltan bilduko dira auzotarrak, Itxasburu sagardotegian.
Gaur arratsaldean, Sokamuturra Bai elkartearen eskutik, Suharra dokumentala proiektatuko dute Biterin. Eta eguneko azken emanaldia, Maduixa Teatre konpainiak eskainiko du: Mulïer dantza ikuskizuna aurkeztuz. Arratsaldeko 19:30etan emango zaio hasiera, Atsegindegin.
GAUR San Joanetan 11:00 Oztopo lasterketa, Landaren hasi eta atletismo pistan amaitu. 12:00 Musika emanaldia, Osiñaga auzoan, Itxasburu sagardotegiko aparkalekuan. 18:00 Suharra dokumentalaren emanaldia, Biterin. Sokamuturra Bai elkartearen eskutik. 19:30 Mulïer dantza ikuskizuna, Atsegindegin, Maduixa Teatre konpainiaren eskutik. |