Herenegun, goizeko 11:00ak aldera, Martindegiko sarreran, txirrindulari batek 72 urteko emakume bat harrapatu zuen. Biribilguneko semaforoaren oinezko pasabidean zegoela, bizikletakoak aurretik eraman zuen.
Emakumea lurrera bota bazuen ere, txirrindularia ez zen gelditu; eta, gainera, ez zuen daturik eman.
Kolpeagatik, aldaka puskatuta
Ezustekoaren ondorioz, zaurituak aldaka puskatuta du; eta, horrez gain, beste hainbat zauri ere baditu gorputzean.
Hori horrela, Udalak jakinarazi du informazioa biltzen ari direla: «lekukoen bila gabiltza istripu txostena osatzeko».
Beraz, norbaitek zerbait ikusi izan balu edo gertatutakoaren harira bestelako daturik baldin badu, Udaltzaingoarekin kontaktuan jartzeko eskatu dute.