Master eta adingabekoen Gipuzkoako txapelketak bi asteburu ezberdinetan jokatzen ari dira. Lehenengoa pasa den igandean izan zen Anoetako miniestadioan eta bertan Hernaniko ordezkariek hiru domina lortu zituzten. 3.000 metrotan Izaro Salaberriak zilarra leporatu zuen (12:24.87), Nora Lopezek luzeera jauzian ere zilarra lortu zuen (5,25 m.) eta proba berean Nagore Urkiolak brontzea (5,05 m.).