Larunbatetik zabalik, Udal jolas igerilekuak

Ekainaren 19an, larunbatean, irekiko dituzte Udal jolas igerilekuak. Joan den urtean bezalaxe, oraingo honetan ere aforoa erdira murriztuko da; eta, beraz, egunean bi txanda izango dira. Hori horrela, herritar bakoitzak txanda bakarra aukeratu beharko du: goizez (10:00etatik 15:00etara)edo arratsaldez (15:30etatik 20:30etara). Igerilekura sartzeko, bi aukera daude: abonu txartela aterata edo aldian aldiko sarrera erosita. Aurten, bestalde, ez dira toboganak, ez aldagelak irekiko.