'Ilargi guztiak', gaur eta bihar

Asteburuko zitari eutsiz, oraingo honetan ere zinea izango da Biterin. Ilargi guztiak filma proiektatuko dute gaur, arratsaldeko 19:00etan; eta, bihar, berriz, ikusleen egunean, 16:30etan izango da. Igor Legarretaren lanak hilezkortasunari buruzko istorio fantastiko-gotikoa du ardatz, eta Itziar Ituño eta Joxean Bengoetxea dira pelikulako protagonistetako bi.