Kaxko Elkarteak eta Buruarinak taldeak, Hernaniko Udalaren laguntzarekin, buruarinen bi tailer antolatu dituzte hilabete honetarako. Lehena, hilaren 15ean izango da; eta, bigarrena, berriz ekainaren 30ean. Bi saioak Atsegindegin izango dira, arratsaldeko 17:00etan.
Izena eman behar da, aurretik
Bestalde, jakinarazi dutenez, jardueran parte hartzeko plazak mugatuak dira. Hori horrela, beharrezkoa da aldez aurretik izena ematea. Hauxe da horretarako bidea: ipuitantai@gmail.com helbidera idatzita; edo, bestela, 722 680 828 telefono zenbakiko WhatsAppera mezua bidalita.
Horrez gain, tailerrak dohainik dira eta familiei daude zuzenduta. Era berean, bi saioetako aforoa, gehienez ere, 20 pertsonakoa da. Beraz, izena ematen dutenen hurrenkeran beteko dira ezarritako plazak. Horrekin batera, beharrezkoa izango da parte hartzen duen ume bakoitzarekin heldu bat egotea.