Hernaniko osasun aktiboak identifikatzeko bi mapa egin ditu Udalak: bata Udal teknikari eta ordezkari politikoek, Hernaniko osasun zentroko eta osasun publikoko arduradunekin batera, eta bestea herritarrekin. Bi mapa horien arteko kontraste saioa eskainiko da bihar, arratsaldeko 17:00etan hasita, Biteriko areto nagusian. Saioa irekia izango dela azaldu dute antolatzaileek, beraz diote parte hartu nahi duen oro bertaratu daitekeela; «herritar guztientzat irekia izango da biharko saioa».