Udaran, euskera praktikatzen jarraitu nahi duten herritarrak badaude. Hiru euskaldun berrirekin talde bat sortu nahi du Doberak, baina horretarako, laguntzaileak behar ditu.
Astean ordu beteko saioa izan ohi da, eta ez da behar inolako maila teknikorik, «euskeraz jakitea eta beste batzuekin esperientzia elkarbanatzeko gogoa edukitzea besterik ez da behar».
Mintzalaguna euskerazko mintzapraktikak egiteko egitasmoa da. Bertan euskera ikasten ari direnak eta euskeraz ondo egiten dutenak inplikatzen ditu Doberak, eta horretarako, «borondatea eta denbora pixka bat besterik ez da behar, dakienak ez dakienari laguntzeko».
Horretarako, astean behin ordu betez beraien aisialdi garaian elkartuko dira, paseoan, kafetegian, parkean... «euskeraz aritzeko eta euskeraz bizitzeko».
Mintzalagun egitasmoarekin, helduen arteko harreman informaletan euskeraren erabilera areagotu nahiko luke, Doberak.
Urte osoan eman daiteke izena
Mintzapraktikan parte hartzeko interesa izanez gero, urte osoan eman daiteke izena, dobera@dobera.eus helbide elektronikora idatziz, edo telefono zenbaki hauetara deituta: 943 33 27 99 eta 662 406 692.