Erreferendumaren aldarria, pasa den asteburuan

Erreferendumaren aldarria egin zuen pasa den asteburuan Gure Eskuk Hernanin. Izan ere, Kale Nagusian sinadurak biltzeko postuak jartzeaz gain, Andre kalean Hamaika eta bat arrazoi bideoak ikusteko aukera izan zuten goizean zehar. Hamaika Gara abesti eta dantzarekin Hernaniko kaleak girotu zituzten. Goizean eguraldiak ez zuen asko lagundu, hala ere, herritarrak postuetara hurbildu ziren sinatzera. Postuetan, kamixetak, boligrafoak eta mota askotako materialak saldu zituzten.