Bihar arratsaldean, Joseba B. Lenoir eta Miren Narbaiza izango ditugu Hernanin. Mice & Lenoir taldea osatzen dute bi kide hauek, eta bihar Biterin kontzertua eskainiko dute. Arratsaldeko 19:00etan emango zaio hasiera emanaldiari. Sarrerak 7,5 euro balio du, eta bi modutara eros daiteke; Biterira bertaratuz eta bertan erosiz, edo kultura.hernani.eus webgunean. Sarrerak jada eskuragai daude, bai lehiatilan baita online ere.
Etzi, XXXV. Txalaparta festa
Etzirako, XXXV. Txalaparta festa antolatu da. Honen harira gainera, Hernaniko Musika Eskolak eta Ttakun ttan ttakun taldeak kontzertua eskainiko dute, arratsaldeko 19:00etan hasita, Biterin.