Udalaren Irisgarritasun Planaren baitan, Atzietatik tren geltokiaren apeaderora doan bidean lan batzuk egiten hasi ziren atzo, eta astebetean itxita egongo da bide hau. Eremu horretako zoruko hormigoia pikatu, zuhaitza kendu eta zoru berria eraikiko dela jakinarazi du Udalak.
Horrekin batera, eskubanda bikoitzak jarriko dira jaitsieran, eta lan horien ondoren, beste eskuhartze bat egingo du Udalak. «Orain dela aste batzuk zuhaitz bat kentzean enbor batek horman jo eta harri bat erori zen». Orduz geroztik, Udala obra horien kontratazioarekin lanean aritu da. Bitartean, oinezkoen segurtasuna bermatzeko, hesitua dago eremua.
Karabeleko bizilagunek, aparkaleku gehiago
Joan zen martxoan, Zubipe eta Landare arteko bidean beste 35 aparkaleku egokitu ziren, eta Akarregiko eremu berriarekin, 75 aparkaleku berri daude erabilgai.
Honako eremu hau, lur pribatua denez, Hernaniko Udalak jabearekin hitzarmen bat sinatu zuen, eta egokitze lanak egin dira dagoeneko.
Hori horrela, lan hauek amaituta, aparkalekua erabiltzeko moduan dago gaurtik, «orotara, 40 plaza bizilagunentzat».