Hernaniko 16 urtez azpiko taldeak esperientzi aberasgarria bizi izan du asteburuan Espainiako 16 urtez azpiko txapelketan. Ez dute garaipenik lortu, baina Estatuko talde indartsuenen aurka jokatu dute eta ikasgai ezin hobea izan da. Sant Boi de Llobregateko Baldiri Aleu zelaian jokatu zen txapelketa eta bere multzoan CAU Valencia, Sant Cugat eta Alcobendas ziren aurkariak. Aurreneko partidua CAUren aurka oso lehiatua izan arren, azkenean bi puntugatik, 10-12, galdu zuten. Bigarren aurkaria Sant Cugat zen eta hauek talde oso sendoa zela erakutsi zuten Hernaniri 0-36 irabazi eta gero. Bi partidu hauek larunbatean izan ziren eta igandean itxi zuten partaidetza Alcobendas madrildarren kontra. Hemen ere ezin izan zuten irabazi eta 7-19ko emaitzarekin agur esan zioten txapelketari.
Neskak berriz ere garaipena lortu dute, 38-36
Hernaniko neskek Durangoren aurka 38-36 lortu zuten garaipena Landaren igandean eta denboraldian zehar ez dute oraindik partidurik galdu. Norgehiagoka lehiatua izan zen bi talde indartsuren artean. Durangoko Iara Heredero jokalaria ospitalera eraman behar izan zuten kolpe baten ondorioz.
Amesteko urtea ari dira osatzen Euskal Ligaren barruan trikoloreak.