Denboraldiko azkeneko partidua zeukaten Hernaniko neska jubenilek, igandean, Gipuzkoako Ligan. Eta ezin izan zuten garaipen batekin bukatu: 3-1 galdu zuten Lasarte-Oriako kiroldegian, Ostadarren kontra.
Ez zuten partidu ona jokatu hernaniarrek. Orekatuak izan ziren aurreneko bi jokoak, baina etxekoek lortu zuten garaipena bietan (25-19 eta 25-20). Hirugarrenean nagusitu ziren hernaniarrak (20-25), eta bazirudien partidua lehiatuko zutela, baina bere mailatik behera aritu ziren laugarrenean, eta 25-13 egin zien ihes jokoak eta partiduak.
Denboraldia bukatuta, datorrenari begira jarriko dira hernaniarrak, taldea osatzeko.