Aurreneko denboraldia du Beñat Leiza Balda hernaniarrak, Amorebietako futbol taldean; eta ez du berehalakoan ahaztuko: Espainiako bigarren mailara igoera lortu du, herenegun Badajoz menderatuta bere zelaian (0-1).
Bigarren B mailatik igotzeko azkeneko partidua zuen talde bizkaitarrak, eta ezustekoa eman zuen, Badajoz faboritoaren kontra. Partiduaren azkeneko minutuak jokatu zituen Leizak, 86garrenean zelairatu baitzen. Igoera faseko sei partiduetatik, hirutan jokatu du.
Partidua bukatu berritan ospatu zuen lorpena hernaniarrak, taldekideekin; eta horretarako, kamixeta berezi bat jantzi nahi izan zuen: CD Hernaniren berdea zeukan soinean, igoeraren ospakizunean.