Astebeteko atzerapenarekin Hirugarren mailara igotzeko final laurdenetako itzulerako partidua gaur jokatuko da Hernani eta Elgoibarren artean, 16:30etan hasita, Zubipeko futbol zelaian. Hernaniarrak bi goleko abantailarekin irtengo dira zelaira, Mintxetan 0-2 irabazi baitzuten eta alde sendoa da finalerdietara pasatzeko.
Aurreko astean erabaki ziren beste hiru sailkatuak eta Hernani pasaz gero Eibar Urko taldea izango du aurkari finalerdietan. Hori ere joan-itzuliko kanporaketa batean.
Euskal Ligako taldeak Sestaoren aurka bihar du partidua, 17:30etan, eta hernaniarrak faborito dira hiru puntuak lortzeko.
Mundarroko taldeek ere badiztuzte partiduak gaur eta bihar. Garrantzitsuena Gorengo taldeak du Zarkumendegin gaur 16:00etan, Oriokoren aurka. Irabaziz gero hiru lehendabizikoetan geratuko da eta hurrengo fasera pasako dira. Egoera berean dago Hernaniren bigarren taldea. Hemen aurkaria Danena da, bihar 17:00etan.