Bueltan da Hernanin Laburbira, euskerazko film laburren zirkuitua, beste urte batez. Dobera Euskara Elkarteak antolatuta, bihar arratsaldean eskainiko dituzte zortzi film labur, Biteri kultur etxean, 18:30etan hasita: Aterpean ateri (Ruben Cresporena), Nigandik (Imanol G. Gurrutxaga), Game over (Ilune Diaz Pollacino), Ilunabarrean esan (Xavier Vallina), Babarrun txapelketa (Andoni Martinez de Medina eta Julen de la Serna), Datsegit (Aitor Arruti), Nire eguneroko maitea (Eñaut Castagnet, Manex Fuchs eta Ximun Fuchs), eta Agur (Iñigo Acha Gómez).
Sarrera doakoa izango da, eta 72 minutuko emanaldiaren ondoren, solasaldia ere egingo dute, filmetako baten zuzendariekin: Ximun Fuchs, Manex Fuchs eta Eñaut Castagnet.