Semifinaletan da palako Euskal Liga, eta Hernani izango dute egoitza, bi partidu erabakigarriek. Gaur bertan jokatuko dira semifinalak, kiroldegiko frontoian, arratsaldeko 19:15etan hasita.
Aurrenekoan, gainera, bikote hernaniar bat ariko da, final haundirako txartelaren bila. Amaia Irazustabarrenak eta Ariane Arrietak jokatuko dute, Su Berri B taldeko bikotearen kontra. Ondoren, bigarrenean, Auñamendi eta Su Berri A ariko dira aurrez aurre. Bi partiduetako irabazleek, elkarren kontra jokatuko dute finala.
Bestalde, Ander Arandia hernaniarrak ere gaur jokatuko du, zazpi barruko Gipuzkoako Txapelketan. Ligaxkako hirugarren partidua izango du, 19:00etan Donostiako Ibaetako frontoian, Lizardi taldeko Lizarazuren kontra. Orain arte, partidu bat irabazi eta beste bat galdu du hernaniarrak.