Leire Iturbe astigartarra garaile izan zen larunbatean, kopiloto bezela Lea Artibai Rallyko bederatzigarren edizioan. Etxebarrian (Bizkaia) egin zen kotxe lasterketa eta Leire Iturbe Aitor Saizar pilotuaren laguntzailea da. Saizar Berriatuakoa da eta Peugeot 207 S2000 kotxearekin lortu zuten garaipena.
Euskal Herriko Koparen barruan kokatzen zen Eibar eta Etxebarria artean egin zen lasterketa. 46 minutu 20 segundo eta 48 ehuneneko denbora behar izan zuten ibilbidea osatzeko eta Ioritz Odiaga eta Arkaitz Kobeaga izan ziren bigarren 39 segundora. Hirugarren sailkatu ziren Aingeru Castro eta Alaitz Urkiola 55 segundora. 30 kotxek hartu zuten parte.