Amherrek Kaixo! aldizkariaren 53garren zenbakia kaleratu berri du. 2021 urteko lehenengo hiruhilekoko alea da, eta dagoeneko ikusgai dago interesa duten herritar guztientzat.
Gainerako aleetan bezalaxe, 8 orrialdetan hainbat eduki landu dituzte. Besteak beste, irakurgai daude martxoaren 8aren bueltan egindako hainbat ekintza; arrazismoaren nazioarteko egunaren gaineko informazioa, edota otsailean sortu zuten Emaguneari buruzko bizipenak eta immigrazioari buruzko beste hainbat testigantza ere.
Horrez gain, bestelako albisteen berri ere eman dute aldizkarian. Hala nola, laster lekuz aldatuko direla aurreratu du; hain justu, orain Plaza Feministako lokalean badaude ere, Kulturarteko Plaza Feminista inauguratzean, bertara toki aldatuko direla adierazi dute.
Aldizkaria interneten dago irakurgai, helbide honetan: https://issuu.com/amher-sos_racismo/docs/kaixo_53.