Gaur hasiko dituzte lanak, Osinaga auzoko Loidi eta Altzueta tartean bidearen ertzean segurtasun hesia jartzeko. Lanak egiten diren bitartean, bidea itxi beharko da zati horretan; hau da, Portutik datozen ibilgailuek ezingo dute Loiditik aurrera egin eta Elorrabi edo Altzuetatik datozenak Lastaola edota Ibarluzeko poligonotik joan beharko dute Hernanirantz.
Udalak adierazi duenez, lan horiek egiteko bi eguneko epea aurreikusten da. Beraz, gaur eta bihar itxita egongo da bidea, 09:00etatik 18:00etara.
Semaforoak, martxan
Apirileko bigarren astean, berriz, semaforoak jarri zituzten bide horretan. Horrekin, ez dira aldi berean pasako norabide batean eta bestean doazen autoak.