Erronka polita zeukan Hernanik asteburuan, mutil seniorretan, Bergararen kantxan. Ligaxkako azkeneko partidua zuen, eta multzoko postu guztiak zeuden jokoan. Eta azkenean, bukaera denetan garratzena izan du talde hernaniarrak: 22-21 galdu zuen Bergararen kontrako partidu estua, eta sailkapeneko azkeneko postura jaitsi da horrela. Izan ere, aurrea hartu dio Bergarak berak, eta baita Sima Corazonistas taldeak ere. Biekin berdinduta geratu dira hernaniarrak, baina egindako eta jasotako golen kopuruagatik, laugarren bukatu du Hernanik. Urola Aranzadi izan da liderra.
Jubeniletan, berriz, txapelketako estreinako partidua zeukan nesken taldeak, eta garaipen haundia lortu zuen etxean, Arrasateren kontra: 28-11 nagusitu zen. Mutilek, berriz, gutxigatik galdu zuten ostegunean, Urnietan (33-30).