'Tàpies Zabalagan', ekainetik urtarrilera

Fernando García Sánchez, Mireia Massagué eta Ramón Castresan. Argazkia: Mikel Chillida

Iberdrola España Fundazioak eta Chillida Lekuk lankidetza hitzarmena sinatu dute museoaren erakusketa proiektua garatzeko.

Ekainaren 10ean, Chillida Lekuk erakusketa-lerro berri bati ekingo dio, artista gonbidatuen programa, Chillidaren artista garaikide esanguratsuen obrak hartuko ditu ardatz. Proiektu berri hau Tàpies Zabalagan erakusketarekin hasiko da, Antoni Tàpies (1923–2012) sortzaile katalan bikainaren omenez; haren lanak, euskal eskultorearenak bezala, arrasto sakona utzi zuen arte moderno eta garaikidearen bilakaeran.


Erakusketa Zabalaga baserriaren goiko solairu guztian egongo da ikusgai eta 2022ko urtarrilaren 10era arte bisitatu ahal izango da.


Formatu txiki eta haundiko obrek osatuko dute, batez ere 80ko eta 90eko hamarkadetako eskulturek. Horrela, Zabalaga baserriarekin, Eduardo Chillida artistak zaharberritu zuenarekin, zuzenean hitz egingo dute, eta beheko solairuan jarriko dira ikusgai. Antoni Tàpies Fundazioaren eta Tàpies familiaren laguntza izango du erakusketak, baita Fundación Suñol, Bartzelona, Colección Hortensia Herrero, eta hainbat bilduma pribaturen maileguak ere.


Chillida Lekuk eta Iberdrola España Fundazioak lankidetza hitzarmena sinatu dute museoaren erakusketa proiektuaren garapena sustatzeko. Akordio honen bidez, Iberdrola España Fundazioak Tàpies Zabalagan erakusketa babestuko du.


Fundazioaren laguntza ekonomikoaz gain, Colección Iberdrolak erakusketarako garrantzi berezia duten bi obra utziko ditu maileguan. Vuit Creus [Zortzi gurutze] (1981, Pintura eta paper eta oihal gaineko gofratua) eta Empremtes de fulla (1982, Argi bidezko zentzumen emultsiozko tinta, akrilikoa eta kraioia).

Kronika egunero, euskaraz eta doan jasotzen segi ahal izateko, Kronikalari gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez Kronikalari!