Asteburu honetan, hilaren 17an eta 18an, Donostiako Gros auzoko Iztueta pasabidea botatzeko lanak egingo dituzte. Horren ondorioz, Hernani eta Pasaia arteko tren zerbitzua ez da izango.
Edonola ere, trenaren ibilbide bera egingo duten autobusek ordezkatuko dute tarte horretan trenaren zerbitzua.
Udalak jakitera eman duenez, Florida auzoko Bestizan 10 zenbakiko portalaren parean egongo dira autobusak, Herribusaren geralekuan.