Gaur jokatuko dute ligako laugarren partidua, Gipuzkoako Txapelketan, Hernaniko neska jubenilek. Etxean ariko dira, arratsaldeko 16:00etan hasita, Hernaniko kiroldegian; eta aurrean izango dute Lizardi. Ligako azkenaurreko sailkatua da talde zarauztarra, jokatutako lau partiduak galduta; eta beraz, irabazteko partidua izango dute hernaniarrek. Momentu onean daude beraiek, gainera: txapelketako aurreneko partidua galdu ondoren, hurrengo biak irabazi dituzte, Fortuna B eta Aldapeta Maria mendean hartuta.
Hirugarren garaipena segidan lortu nahi dute bihar, sailkapenean gora egiten jarraitzeko. Seigarren daude une honetan, baina badira beraien aurretik zenbait talde, partidu bat edo bi gehiago jokatu dituztenak, dagoeneko.