Hernaniko Errugbi Elkarteak uztailerako udalekuak antolatu ditu, eta irekita dago izena emateko epea. Inskripzioa egiteko bi bide daude: hernanirugby.eus/udalekuak webgunean; edo udalekuak@hernanirugby.eus helbide elektronikora mezua bidalita. Udalekuak bi motakoak izango dira: batetik, 2007 eta 2013 urteetan jaiotakoentzako udaleku irekiak eta, bestetik, denboraldi honetan 16 eta 18 urtez azpiko mailetan aritu diren jokalarientzako teknifikazio udalekuak.