Pasai Donibanen, gaur eta bihar, Gipuzkoako Batel Txapelketak jokatuko dira maila guztietan; infantiletatik hasi eta absolutoetara arte, kadete eta jubeniletatik pasata. Gaur, 10:30etan hasiko dira estropadak eta sailkapen probak izango dira. Maila bakoitzean lau denbora onenak egiten dituztenak iganderako finalera sailkatuko dira eta bosgarren eta zortzigarren postuetan sailkatutakoek, berriz, Federazio Saria jokatuko dute. Sailkapena, binaka, erlojuaren kontra jokatuko da. Igandeko finalak 10:00etan hasiko dira.