Hernaniko Udal Kiroldegiak, hiru ohar helarazi nahi izan ditu, egingo dituzten egitasmo eta ikastaroen berri emateko. Ostegunera arte, goizetan, igerileku haundian jolas egiteko materiala jarriko da. Goizeko 10:00etatik 13:00etara egongo da aukera.
Bestalde, Astindu Larunbata! egitasmoaren barruan, hainbat ikastaro egingo dira apirileko larunbatetan. Hilaren 17an, aire librean zirkuitua jarriko da, goizeko 10:00etan, eta ondoren 11:00etan, Aquagym eskainiko da gazteentzat. Apirilaren 24an, Hiit entrenamenduaz gozatzeko aukera ere egongo da 10:00etan hasita, eta 11:00etan, Ziklo Indoorra. Ikastaro hauetan parte hartu nahi duenak izena eman behar du, eta antolatzaileek azaldu dute bazkideek doan har dezaketela parte eta bazkide ez direnek ordaindu egin beharko dutela. Telefono honetara deituta apuntatu daiteke: 943 55 21 85.
Gimnasioko monografikoak
Apirileko asteazkenetan gimnasioko monografikoak izango dira, parte hartu nahi izanez gero, bertan azaltzearekin nahikoa da. Gaur hasiko dira saio hauek, abdominalak landuz. Saio bat goizean eta bestea arratsaldean.
GIMNASIOKO MONOGRAFIKOAK GAUR |