Realak irabazi zuen Errege Kopa atzo gauean, Athleticen kontra, Sevillako La Cartuja zelaian. 0-1 nagusitu zen talde txuri-urdina, Mikel Oyarzabalek penaltiz egindako golarekin. Eta harmailetatik 90 minutuz gozatu eta sufritu ondoren, ederki ospatu zuten garaipena, bost hernaniarrek.
Izan ere, Realaren garaipenarekin, Koparen zati bat etorri da Hernanira ere, taldeko parte diren bost herritarren eskutik. Argazkian ageri dira bostak, Koparekin eta Hernaniko banderarekin. Ezkerretik eskuinera: Joseba Ibarburu lehendakariordea, Jhonny Porto sukaldaria, Luis Llopis atezainen entrenatzailea, Iban Oyarzabal prentsa arduraduna, eta Jose Luis Sanchez utilleroa.