Joan den urtean, pandemiagatik, bertan behera geratu ziren Langile ikastolaren 50garren urteurrena ospatzeko ekintzak. Eta orain, berriro ekin nahi izan diete. Horretarako, erakusketa antolatu dute.
Erakusketa hori apirilaren 12tik 24ra arte egongo da ikusgai Biteri Kultur Etxean 17:30etatik 20:00etara.
Bertan, 50 urte horietan bildutako argazkiak ikusi daitezke eta ikastolak, urte guzti horietan, izan duen ibilbidea ezagutzeko modua da.
50 urte bete dituztela ospatuko dute, «Ikastola horixe izan baita: elkartasuna, duintasuna, ahalegina, konpromisoa, ardura, parte hartze aberatsa, emakumeak, gizonak... eta dena haurrak zoriontsu izan zitezen eta daitezen».