Euskal Ligako errugbi XII Ligan neskak garaile izan ziren hirugarren aldiz jarraian, Rioja CRren aurkako norgehiagokan. Partidu borobila jokatu zuten hernaniarrek eta, ondorioz, 34-0eko garaipen erosoa eskuratu zuten larunbatean, Landaren.
Seigarren minuturako 5-0 aurreratu ziren etxekoak, baina markagailua ez zen asko mugitu lehenengo zati horretan. Atsedenaldiaren aurretik etorri zen bigarren entsegua eta gauzatzearekin, 12-0 joan ziren bi taldeak aldageletara.
Bueltan, Hernaniren nagusitasuna nabariagoa izan zen eta bigarren 40 minutuetan lau entsegu lortu zituzten; horietako bat gauzatzea ere lortu zuten. 34-0eko markagailuarekin amaitu zen partidua, eta emaitzak Hernaniren nagusitasuna nabarmendu zuen. Defentsan lan haundirik ez zuen eduki eta izan zuten arriskua ederki lortu zuten aldentzea.
16 eta 18 urtez azpikoek Gaztedi gainditu zuten
Landaren lau partidu jokatu ziren, guztira, asteburuan. Horietako bi 16 eta 18 urtez azpikoen taldeenak izan ziren eta aurkaria, Gaztedi.
Hemen ere garaipenak etxean geratu ziren. 18 urtez azpikoek 64-0 irabazi zuten eta 16 urtez azpikoek, berriz, 31-22