Espainiako Txapelketan lehiatu da Enaitz Goñi igerilari hernaniarra, aste honetan zehar, Sabadellen. Iraupen luzeko probatan aritu da, eta asteazken goizean ekin zion, 1.500 metrokoarekin: 16 minutu eta 48 segundutan osatu zuen proba, eta 16garren bukatu zuen, junior mailako igerilarien artean. 2004an jaiotakoen artean, berriz, zazpigarren sailkatu zen.
Bigarren proba ostiral goizean izan zuen hernaniarrak, 800 metrokoa: 8 minutu eta 48 segundutan gelditu zuen kronometroa, hernaniarrak. Junior mailan, 17garren sailkatu zen, eta bere adinekoen artean, berriz, zortzigarren izan zen.