Gaur arratsaldean jokatuko da, Galarreta frontoian, Oriamendi Torneoaren finala. 17:00etan hasiko da jaialdia, ikuslerik gabe, eta bigarren partidua izango da finala. Txapela lortzeko, Goikoetxea V eta Labaka dira faborito, jokatutako sei partiduak irabazi baitituzte; baina Segurolak eta Zalduak ez dizkiete lanak erraz jarriko, partidu bakarra galdu baitute haiek, faboritoen kontra hain justu. Bi aurrelariek sekulako maila eman dute txapelketan, eta atzelariak ere oso seguru aritu dira orain arte. Ligaxkan elkarren kontra jokatu zuten partidua, oso berdindua izan zen; eta halakoa espero da gaurko finala ere.
Aurretik, hirugarren posturako partidua jokatuko da: Urrutia II eta Aizpuru III, Mirubiaren eta Martirenaren kontra.