Espainiako Txapelketan lehiatu da Enaitz Goñi igerilari hernaniarra, aste honetan zehar, Sabadellen. Iraupen luzeko probatan aritu da, eta asteazkenean ekin zion, 1.500 metrokoan: 16 minutu eta 48 segundutan osatu zuen proba, eta 16garren bukatu zuen, junior mailako igerilarien artean. 2004an jaiotakoen artean, berriz, zazpigarren izan zen.
Bigarren proba atzo izan zuen, 800 metrokoa: 8 minutu eta 48 segundutan gelditu zuen kronometroa, hernaniarrak. Bere mailan, atzo arratsaldean jokatzekoak ziren beste kanporaketa batzuk, eta horien emaitzan araberakoa izango da postua.