Asteburuari ongi etorria emateko, gaur arratsaldeko 19:00etan, Xanti Agirrezabala azpeitiarrak, 'Satiro' izeneko antzezlana oholtza gaineratuko du. Antzezlana ikusteko, gonbidapenak eskatu behar dira aldez aurretik, hernanitoherri@gmail.com helbidera idatzita.
«Gizonezkoen sexualitatetik abiatuta, emanaldia da gure desiren eta fantasien zirikatze prozesua» dio Xantik. Herritarrak, «Biteriko areto nagusira sartu eta hantxe topatuko dute ikusleek Satiroa, oholtza gainean. Kaiola baten barruan egongo da, kate batetik zintzilik». Xantik herritarrak gonbidatu nahi ditu, ikuskizunera.