Trans helduentzako Euskal Herriko aurreneko elkartea da Loratuz Lotu. Gaur, arratsaldeko 17:30etan elkarteko bi kide izango dira Gaztelekuan, gaiaren berri emateko. Trans helduen erreferentzizko bilgune izatea dute helburu, eta «beldurrak uxatu, prozesuan laguntza eman eta ezagutzak partekatzeko» aukera eskaini nahi dute.
Gaurkoan, saio berezi bat izango dute gazteek Gaztelekuan. «Trans mundura gerturatzeko aukera izango dute gazteek», aurreratu dute arduradunek.
Nahieran ikusteko aukera
Bestalde, aforoa mugatua da; edonola ere, bertaratu ezin duten horientzat, saioa Gaztelekuko Instagrameko kontuan (@hgaztelekua) eta Youtubeko kanalean egongo da eskuragarri, nahieran ikusteko.