Asteburua modu paregabean jarraitzeko, bihar, Amherrek, arrazakeria eta xenofobiaren aurkako martxa antolatu du, goizeko 11:00etan hasita. Trintxerpetik Donostiara izango da ibilbidea.
Martxa honekin, Amherrek hainbat desadostasun helarazi nahi ditu, eta errealitatea zein den azaldu; «Iruneko mugan harrapatuta migranteek bizi duten egoera, CIEetan bizitzen ari diren baldintza txarrak, eta Mediterraneoa gurutzatzen duten immigranteen tratu txarrak ere jasotzen dituzte».
Horrez gain, Amherrek, urtean zehar kontzientziazio kanpaina eraman nahi du aurrera: «ez dugu soilik kontzientzia antiarrazista sakondu eta indartu nahi; denon artean komunitate bat ere sortu nahi dugu».
Datorren asteartean, hitzaldia
Datorren asterako, hitzaldi bat antolatu du Amher SOS Arrazakeriak. Eguerdiko 12:30etan izango da, Carmelo Labakan. Antolatzaileek jakinarazi dute, berez Gizarte animazioko ikasleentzat zuzenduta zegoela, baina norbaitek interesa izanez gero, telefono honetara deitu dezakeela: 671 116 414