Hernaniko Bira Produkzioakek, bihar Klik! izeneko web-seriea estreinatuko du.
3 minutuko 5 atalek osatuko dute web-seriea, eta bertan, umorea eta pop kulturako elementuak erabiliz, alternatiba sozio-ekonomikoak planteatu eta gai hauen inguruko hausnarketa sustatzea izan da helburua. Protagonistak, Nekane eta Gurutz dira, Hernaniarrak, eta noski «Hernani da baita ere beraien abenturaren kokapen nagusia».
Bihar goizeko 11:00etan ikusgai egongo da Klik! web-seriea, biraprodukzioak.eus en, eta Youtubeko kanalean ere jarriko dute ikusgai: https://labur.eus/gHjEW.
«Eraldaketarako animazio web-seriea»
Nekane eta Gurutz izeneko pertsonaia hernaniarren istorio eta abenturak ardatz hartzen dituen web-serie bat da Klik!. Eta aipatu moduan, «umorea eta pop kulturako elementuak erabiliz, alternatiba sozioekonomikoak planteatu eta gai hauen inguruko hausnarketa sustatzea du helburu».
Web-serie honek, hiru minutuko 5 atal izango ditu; «tokiko merkataritza, energia berriztagarriak, parte hartzea, berdintasuna eta integrazioari buruz hitz egingo dutenak» hain justu.
5 atalez osatuta
Astean bi atal estreinatuko ditu Bira Produkzioakek, astearte eta ostegunetan hain zuzen ere. Denak goizeko 11:00etan izango dira: «bihar goizean lehenengo atala. Eta datozenak: martxoak 18 osteguna, martxoak 23 asteartea, martxoak 25 osteguna, eta azkenik martxoak 30 asteartea.