Aurrez aurreko emanaldirik ez, baina kontzertua eskainiko du Hernasax taldeak, gaur arratsaldeko 19:00etan; eta zuzenean ikusteko aukera izango da, taldearen YouTubeko kanalean: https://youtu.be/vgbXZ3lB90k.
Kontzertu honekin, Pedro Iturralde zenari omenaldi xumea egin nahi dio Hernani Musika Eskolako saxofoi taldeak. Joan den udazkenean hil zen Iturralde, «saxofoilari bikaina», goraipatu dutenez.
Haren omenez, zazpi pieza eskainiko dituzte: Vizcaytik-Bizkaira (Resurreccion Maria de Azkue), Agüero (Jose Franco Ribate), Sleep (Eric Whitacre), All in Good Time (Karen Street), Three Shades of Blues (Paul Nagle); eta Pedro Iturralderen bi pieza bukatzeko, Jazz Suite eta Dixie for Sax.
10 saxofoilari ariko dira kontzertuan, Roberto Pachecok zuzenduta: Mikel Prieto, Aitor Ortiz, Aitor Ugarte, Mikel Berrondo, Iker Jauregi, Endika Valladolid, Beñat Alvarez, Julen Berrondo, Imanol Garcia eta Imanol Andres.