Bi ikastaro prestatu ditu Hernaniko AEKk, martxoan, Zilegi Eskolaren barruan. Batetik, buztin tailerra egingo dute hilaren 9an eta 16an, 17:00etan Biterin. Naroa Najerak eskainiko du ikastaroa, eta 2 eurokoa da prezioa. Eta bestetik, mitologiari buruzko solasaldiak egingo dituzte, martxoaren 22an eta 23an. Jose Javier Etxeberria goizuetarrak gidatuko ditu, mitologiari buruzko gaiak mahai gainean jarriz. Arratsaldeko 18:00etan izango dira, Biterin; eta doakoa da partehartzea.