Sestaoko Benedicta kiroldegian Hernanik jokatu behar zuen, denboraldiko azkenaurreneko partidua, atzeratu egin behar izan dute. Arrazoia, Sestaoko jokalari batek PCR proban eman duen positiboa izan da. Horren ondorioz, sestaotarren talde guztiak, konfinatzeko agindua jaso du eta partidua atzeratzeko erabakia hartu dute.
Laredoren kontrako partidua atzeratu ostean, hurrengo hau ere bertan behera geratu behar izan da. Hortaz, hernaniarrek Euskal Ligako hirugarren postua ziurtatzeko, itxaron egin beharko dute.
Postu honek ez die ematen aukera igoera fasera pasatzeko, lehenengo bi sailkatuak baitute eskubidea soilik, baina iazko laugarren postua hobetuko luke taldeak. Liga amaitzeko, bi partidu geratzen dira: Laredo eta Sestaoren aurka.