Pasa den larunbatean, goizeko 11:00etan, La Unica taldea hartu zuten Hernaniko neskek, Landaren. Errugbi 12ko partidua izan zen jokatu zutena, eta trikoloreak gailendu ziren, talde nafarraren aurrean.
Hernanik, hasieratik gogor hasi zuen partidua, eta markagailuan nabaritu zen hori. Iruñeako neskek ez zuten etsi, baina bere nagusitasuna agerian utzi zuten hernaniarrek, eta 24-7 irabazi zuten.
Lehen zatitik, Hernani hobeto
Partiduaren lehen zatia «ederra» izan zela jakinarazi dute klubekoek, hernaniarren aldeko hiru entsaio iritsi baitziren lehenengo 30 minutuetan. Hortik aurrera, puntuak pilatzen jarraitu zuten, eta primeran eutsi zieten Iruñako taldearen erasoei, garaipena lortzeko.