Kontrol txapelketa izan zuten igerilari hernaniarrek, Ordizian, joan den larunbatean. Eta denbora onak lortu zituzten, beraien marka onenetatik gertu ibilita zein hobetuta. Miren Uxue Garmendiak 1:11,71 denbora egin zuen 100 metro libreetan; 36,62 segundu 50 metroko tximeleta proban; eta 33 segundu 50 metro libreetan. Xabier Huitzik, berriz, 29,22 segundu behar izan zituen 50 metro libreetan, eta 1:15,38 denbora egin zuen 100 metroko bizkar proban. Eta Kerman Urretak, azkenik, 5:45,56 denbora egin zuen 400 metroko proban, 2:40,35 denbora 200 metrokoan, eta 31,41 segundu 50 metro libreetan. Horrekin, bukatu dituzte neguko kontrol txapelketak, igerilari hernaniarrek.