Lau partidu jokatu dituzte, joan den asteburuan, palista hernaniarrek. Hernanin bertan izan dituzte denak, gainera. Baina emaitzak ez dira izan nahi bezain onak: bi irabazi, eta beste bi galdu dituzte. Nesken bigarren mailan lortu dituzte bi garaipenak: Ainhoa Urienek eta Eli Gutierrezek 30-14 irabazi zieten, Maite Barruetabeña eta Maialen Rosari; eta Ekhiñe Balerdik eta Eider Otaegik 30-27, Amaia Aizpuru eta Idoia Arrillagari.
Lehenengo mailan, galdu egin zuten Nahia Eizmendik eta Garazi Urdangarinek, Itxaso Erasun eta Miren Larrerteren kontra (16-30). Eta baita bigarren mailako mutilek ere, Iker Zurutuzak eta Mikel Manterolak, Lozano eta Rodriguezen kontra (19-25).