Bazkideen batzar orokorra, martxoaren 6an

Goiz Eguzkiko M. Jose Lopez de Zubiriak, zuzendaritza kargua utzi du, «arrazoi pertsonalak» medio. Hori horrela, martxoaren 6rako, Goiz Eguzkiko bazkideen batzar orokorra antolatu dute, goizeko 11:00etan, Biterin. 
Batzar horretan aurkeztuko dira Zuzendaritza Batzordeko hainbat aldaketa, izan ere, otsailaren 16an, aipatu moduan, «M. Jose Lopez de Zubiriak Goiz Eguzkiko zuzendari gisa dimisioa aurkeztu zuen, arrazoi pertsonalak direla eta». 
Hala ere batzordeko gainerako kideek, bertan jarraitzeko asmoa berretsi dute, eta ohar bat helarazi nahi izan dute, goizeguzkihernani.eus webgunean ikusgai dagoena, hain justu. 
Segurtasunagatik, batzarra­ren edukiera mugatua izango da, horregatik, bertaratzeko asmoa duten bazkideek «lekua erreserbatu beharko dute». Horretarako Goiz Eguzkira deitu behar da, 943 55 10 32 telefonora, eta webguneko formularioaren bidez ere erreserbatu daiteke.