Hernaniko frontoian jokatuko dituzte herriko palistek, asteburu honetan dauzkaten hiru partiduak, Gipuzkoako Txapelketakoak. Gaur arratsaldean, 14:00etan hasita, jokatuko du Zurutuzak, Arandiak, Agirrek eta Manterolak osatutako taldeak, Abantzuren kontra, mutilen bigarren mailan. Eta bihar goizean, 11:00etatik aurrera, jokatuko dituzte nesken bigarren mailako bi partidu: Ainhoa Urien eta Eli Gutierrez, Iruleak 1 taldearen kontra; eta Ekhiñe Balerdi eta Eider Otaegi, Iruleak 2 taldearen kontra.