Hernani Errotzenek antolatuta, datorren asteartean, otsailaren 23an, Biteri kultur etxean, arratsaldeko 19:00etan, Ainara Azpiazu Axpi hernaniarrak eta Nabarraldeko Angel Rekaldek hitzaldia emango dute Foixeko Katalina erreginari buruz. Areto nagusian izango da eta segurtasun arauak betetzeko jendea musukoarekin joatea eskatu dute. Edukiera mugatua izango da, aretoa osatu arte.
Axpik Foixeko Katalinari buruzko komiki bat landu du eta horren aurkezpena egingo du Biterin. Angel Rekalde gidoi egileak, berriz, pertsonaia eta bere historiaz ariko da. Komikia bertan izango dute, hala nahi duenak, komikia etxera eramateko aukera izango du eta gainera, egileen sinaduraz eskuratzeko.