Oriamendi Torneoak bigarren jardunaldia osatu zuen ostegunean Mirubia-Martirena eta Goikoetxea-Labakaren garaipenekin. Azken hauek erraz gainditu zituzten, 40-29, Zaldua II eta Larrañaga. Emozio gehiagorekin gainditu zituzten Mirubiak eta Martirenak Urrutia II eta Aizpuru III 40-37.
Emaitza hauekin erdibituta geratu da sailkapena. Zaldua II-Larrañaga eta Etxarri-Zubiri atzean geratu dira puntu negatibo eta puntu positibo batekin. Beste lau bikoteek zortzi eta sei puntu dituzte. Beraz, Etxarri eta Zubiri goizuetarrak ezin dute gehiago huts egin eta partiduak irabazi beharrean daude derrigorrez. Lehendabiziko lauak sartzen dira finalerdietan eta azken biak kanpoan geratzen dira.
Asteartean berriz ere galdu, Etxarrik eta Zubirik
Mirubiak eta Martirenak Etxarri eta Zubiri gainditu zituzten, asteartean, Oriamendi Txapelketako ligaxkako partiduan, 40-39. Lau erremontistek partidu bikaina jokatu zuten eta berdintasuna izan zen nagusi, emozioz betetako joko polita ikusi zen lau pelotarien aldetik.
Inork ez zuen alde garrantzitsurik hartu eta azkenean urdinen akats batekin erabaki zen, txanpona gorrien alde eroriz.