Gazte Koordinadora Sozialistak elkarretaratzeko deia egin du, gaur arratsaldeko 18:00etarako. Elkarretaratzeak plazan izango du leku eta Covid-19ak suposatu duen, osasun-hondamendiaren eta askatasunaren ezabapenen aurrean, burgesia ofentsiba gelditzeko eskatuko dute.
Pandemiak krisi testuingurua haundiagotzeaz gain, larrialdi egoera batean egoteak, urduritasun zein beldur giroa zabaldu du gizartean eta Gazte Koordinadora Sozialistaren ustetan, langileriarengan ematen ari diren errepresio zein diziplinamendu kasuak, horien ondorio zuzenak dira.
Langileen bizi-baldintzak kaltetu diren bitartean, goi burgesiak bere irabaziak haunditu dituela ere, adierazi dute gazteek.
Errepresio horiei erantzunez, egoeraren errudunak salatu eta baliabideak eskaintzeko asmoa dute. «Antolakuntza da datorren etorkizunean langileon alde egingo duen indar bakarra».